Sóknarmaður sem fæddur er 2005.
„Við viljum halda bara áfram sem lið, erum taplausir í smá tíma núna og markmiðið er bara að klára þetta vel," segir Þorlákur Breki Baxter, leikmaður ÍBV, við Fótbolta.net.
Framundan hjá ÍBV er heimaleikur gegn ÍA á morgun. Leikurinn hefst klukkan 14:00 á Hásteinsvelli. ÍBV dugir stig til þess að halda sæti sínu í deildinni, en liðið hefur komið mjög mörgum á óvart í sumar með góðri spilamennsku og stigasöfnun. Margir spáðu liðinu falli og hreinlega botnsæti deildarinnar.
Framundan hjá ÍBV er heimaleikur gegn ÍA á morgun. Leikurinn hefst klukkan 14:00 á Hásteinsvelli. ÍBV dugir stig til þess að halda sæti sínu í deildinni, en liðið hefur komið mjög mörgum á óvart í sumar með góðri spilamennsku og stigasöfnun. Margir spáðu liðinu falli og hreinlega botnsæti deildarinnar.
Hvernig líður þér með stöðuna á ÍBV og þitt tímabil til þessa?
„Okkur finnst ennþá smá sárt að hafa ekki náð efri hlutanum."
„Varðandi mitt tímabil þá er það tvískipt, ég spilaði illa á kantinum í nokkrum leikjum en hef fundið mig í nýju hlutverki og finnst ég sinna því vel."
,.Ég og Láki settumst niður og ræddum og fórum yfir nýtt hlutverk, ég er núna miðsvæðis og meira í boltanum þar og líður vel í því hlutverki"
„Varðandi liðið, þá jújú, hún hefur svo sem komið mér létt á óvart, en eftir að fyrstu leikirnir rúlluðu af stað þá hefur hún ekki komið mér á óvart. Mér finnst við oft fá lítið hrós, það sé frekar að hitt liðið hafi spilað illa frekar en að það hafi verið við sem spiluðum vel."
Varstu strax seldur á ÍBV, ekkert hik þó að liðinu hafi verið spáð falli?
Breki er á lán hjá ÍBV frá Stjörnunni út þetta tímabil, kom til Eyja í vor.
„Ég var strax seldur á ÍBV og ekkert hik, fannst þetta spennandi, og sé ekki eftir því. Mér líður mjög vel í Eyjum, og að heyra að þetta yrði bara ellefu liða deild og svoleiðis umtal setti okkur líklega bara meira á tærnar."
Hvernig leggst leikurinn gegn ÍA í þig og hvað þurfið þið að gera til að vinna?
„Leikurinn á móti ÍA leggst vel í okkur, höfum unnið báða leikina á móti þeim til þessa. Þeir eru sjóðheitir núna og ætli við þurfum ekki bara að spila góðan leik," segir Breki sem er ekkert að flækja hlutina.
Einhver skilaboð til stuðningsmanna í lokin?
„Bara einfalt, endum á þeim stóra," segir Breki og á þá við „Forsetabikarinn" sem liðið í 7. sætinu, efsta sæti neðri hlutarins, fær.
Besta-deild karla - Neðri hluti
| Lið | L | U | J | T | Mörk | mun | Stig |
|---|---|---|---|---|---|---|---|
| 1. ÍBV | 24 | 9 | 6 | 9 | 30 - 29 | +1 | 33 |
| 2. KA | 24 | 9 | 5 | 10 | 35 - 44 | -9 | 32 |
| 3. ÍA | 24 | 9 | 1 | 14 | 33 - 45 | -12 | 28 |
| 4. Vestri | 24 | 8 | 3 | 13 | 23 - 37 | -14 | 27 |
| 5. Afturelding | 24 | 6 | 7 | 11 | 33 - 42 | -9 | 25 |
| 6. KR | 24 | 6 | 6 | 12 | 46 - 58 | -12 | 24 |
Athugasemdir
