Heimild: ÍBV
ÍBV tilkynnti rétt í þessu að Þorlákur Árnason hefur sagt upp störfum hjá félaginu.
Þetta kemur gríðarlega á óvart en hann tók við liðinu í fyrra af Hermanni Hreiðarssyni sem stýrði liðinu til sigurs í Lengjudeildinni.
Þetta kemur gríðarlega á óvart en hann tók við liðinu í fyrra af Hermanni Hreiðarssyni sem stýrði liðinu til sigurs í Lengjudeildinni.
Liðið náði frábærum árangri í sumar undir stjórn Láka sem skrifaði undir þriggja ára samning við félagið í fyrra. Liðið hafnaði í 9. sæti Bestu deildarinnar síðasta sumar.
Fréttatilkynningin frá ÍBV
Þorlákur Árnason þjálfari karlaliðs ÍBV hefur sagt upp störfum frá og með deginum í dag. Stjórn knattspyrnudeildar ÍBV harmar þessa ákvörðun. Þorlákur tilkynnti þessa ákvörðun í dag til framkvæmdastjóra ÍBV íþróttafélags.
Stjórn knattspyrnudeildar ÍBV þakkar Þorláki fyrir tíma hans hér í Eyjum og þann góða árangur sem liðið náði á sl. keppnistímabili. Þorláki er óskað velfarnaðar í þeim verkefnum sem hann mun taka sér fyrir hendur.
Stjórn knattspyrnudeildar ÍBV mun hefjast strax handa við að ráða nýjan þjálfara fyrir karlalið ÍBV.
Athugasemdir
