Sigríður Björk Þorláksdóttir í Hauka (Staðfest)

Sigríður er sjöundi leikmaðurinn sem gengur til liðs við Hauka í vetur en Salih Heimir Porca hefur verið duglegur að safna saman liði í Hafnarfirðinum en hann ætlar sér upp með liðið á sínu fyrsta ári.

„Hún getur spilað margar stöður á vellinum og það er mikill kraftur og reynsla í henni en ég mun líklega nota hana sem framherja hjá okkur þó að hún geti einnig spilað aðrar stöður ,“ sagði Salih Heimir Porca í viðtali við heimasíðu Hauka.

„Ég þekki ágætlega til hennar og ég er gríðarlega ánægður með að hafa fengið hana. Hún var nokkurnvegin hætt í fótbolta fyrir þremur árum en þá fékk ég hana til mín til Hauka,“ en eftir það hefur hún leikið með Breiðablik í Landsbankadeildinni og með Hetti eins og fyrr segir í fréttinni.

Það er greinilegt að Sigríður Björk verður ekki síðasti leikmaðurinn sem gengur til liðs við Hauka áður en tímabilið hefst í sumar því það eru fleiri leikmenn á leiðinni til Hauka að sögn Porca „Það eru fleiri leikmenn í sigtinu sem eiga einungis eftir að fá félagsskiptin í gegn. Hver sagði svo að það væri erfitt að fá leikmenn í Hauka?,“ sagði Salih Heimir að lokum við heimasíðu Hauka.

Það er því ljóst að Haukaliðið verður ógnarsterkt í sumar ef rétt verður haldið á spilunum í Hafnarfirðinum.