Gunnleifur Gunnleifsson lánaður til Vaduz (Staðfest)

Gunnleifur sagði í samtali við Mbl að hann færi út á morgun en möguleiki er á að hann fari beint í lið Vaduz þegar það mætir Aarau í úrvalsdeildinni á laugardag en þá hefst keppni í Sviss á nýjan leik eftir vetrarfríið.

Samningur Gunnleifs er til 30.maí en hann segir á vef Morgunblaðsins að það fari eftir því hvernig hann stendur sig hvort hann framlengi við liðið.

Gunnleifur er þriðji Íslendingurinn sem gengur í raðir Vaduz en liðið hafði áður fengið Stefán Þórðarson og Guðmund Steinarsson.