Recrativo kaupir Sinama-Pongolle frá Liverpool (Staðfest)

Recreativo sem er í sjöunda sæti spænsku deildarinnar og í baráttu um Evrópusæti hafði möguleika á að kaupa Pongolle myndi hann standa sig vel á lánstímanum og nú hefur félagið nýtt sér þá klásúlu.

Francisco Mendoza forseti Recreativo greindi frá þessu í dag og sagði kaupverðið vera fjórar milljónir evra sem er metfé hjá félaginu.

Pongolle sem er 22 ára er markahæsti maður Recreativo á tímabilinu með tíu mörk en hann hefur gert samning við félagið til ársins 2011.