Ægir nældi í bandarískan leikmann fyrir gluggalok (Staðfest)

Skoczylas kom til Ægis á reynslu fyrir nokkrum vikum og stóð sig mjög vel.

Félagið náði að koma skiptunum yfir línuna í tæka tíð fyrir gluggalok og mun hann taka tímabilið með Ægi í Lengjudeildinni.

Skoczylas er varnarmaður sem getur spilað báðar bakvarðarstöðurnar, en hann kemur úr bandaríska háskólaboltanum og þá hefur hann einnig spilað í Króatíu.

Hann lék sinn fyrsta leik með Ægi í 2-1 tapinu gegn HK í 2. umferð Lengjudeildarinnar, en Ægir er án stiga eftir fyrstu tvo leikina.