Marco Asensio og Mariano Diaz yfirgefa spænska félagið Real Madrid um mánaðamótin. Þetta kom fram í tilkynningu frá félaginu í gær.
Asensio kom til Real Madrid frá Real Mallorca árið 2014 og var í þokkalega stóru hlutverki fyrstu tvö tímabilin.
Síðan þá hefur hann verið í aukahlutverki og verið að spila í kringum tvö þúsund mínútur á hverju tímabili.
Hann hefur verið fastamaður í spænska landsliðinu og þá í nýju hlutverki sem fölsk nía.
Asensio mun yfirgefa Real Madrid um mánaðarmótin og er líklega á leið til Paris Saint-Germain í Frakklandi.
Mariano Díaz mun einnig yfirgefa félagið. Hann náði aldrei að festa sæti sitt í liðinu á tólf árum sínum hjá Real Madrid en vann þó þrettán titla á tíma sínum í Madríd.
Athugasemdir