Enska félagið Sunderland er búið að festa kaup á franska miðjumanninum Enzo Le Fée fyrir metfé.
Sky Sports greinir frá því að Sunderland borgi um 20 milljónir punda til að kaupa Le Fée, sem hefur leikið með liðinu á láni frá AS Roma síðan í janúar.
Það var ákvæði í lánssamningnum um að Sunderland myndi kaupa leikmanninn ef liðið kæmist upp um deild, sem tókst með ótrúlegum hætti eftir sigur gegn Sheffield United í úrslitaleik umspilsins.
Enzo Le Fée mun því leika með Sunderland í ensku úrvalsdeildinni á næstu leiktíð.
Didier Ndong var fyrir þetta dýrasti leikmaður í sögu Sunderland eftir að félagið keypti hann fyrir um 17 milljónir punda tímabilið 2016-17.
Asamoah Gyan, sem var keyptur til Sunderland tímabilið 2010-11, er í þriðja sæti yfir dýrustu kaup félagsins frá upphafi.
?? We are delighted to confirm the permanent signing of Enzo Le Fée!
— Sunderland AFC (@SunderlandAFC) June 3, 2025
The 25-year-old joins from AS Roma for an undisclosed fee, penning a four-year deal on Wearside ??
Athugasemdir
