Enskir fjölmiðlar segja frá því í dag að líkurnar séu að aukast á því að Willian yfirgefi Chelsea og gangi til liðs við Arsenal.

Hinn 31 árs gamli Willian er samningslaus og skoðar nú stöðu sína.

Chelsea bauð Willian nýjan tveggja ára samning en Brasilíumaðurinn hafnaði honum þar sem hann vill fá þriggja ára samning.

Arsenal er tilbúið að bjóða Willian þriggja ára samning og hann færist nær því að skrifa undir hjá félaginu.