Freyr Alexandersson, þjálfari Kortrijk, stýrði sínum mönnum til sigurs í dag í 2-1 sigri á Cercle Brugge. Patrik Sigurður Gunnarsson, markmaður Kortrijk, spilaði allan leikinn á milli stanganna.
Þetta er fyrsti deildarsigur Kortrijk á þessu tímabili en þetta var annar deildarleikur þeirra á þessari leiktíð. Staðan var 1-1 í hálfleik en Mampassi skoraði sigurmarkið á 68. mínútu leiksins.
Orri Steinn Óskarsson, leikmaður FCK, spilaði allan leikinn gegn Randers í dag en sá leikur fór 1-1. Randers tóku forystuna snemma leiks en skömmu síðar fengu þeir að líta rauða spjaldið.
Kaupmannahafnabúar náðu að nýta liðsmuninn í seinni hálfleik að einhverju leyti. Þeir jöfnuðu leikinn um miðjan seinni hálfleik en ekki kom sigurmarkið sem þeir leituðu af í lokin.
Rúnar Alex Rúnarsson var á bekknum í dag. Bermudamaðurinn Nathan Trott stóð vaktina milli stanganna í staðinn.
Þorri Þórisson kom þá inn á í 2-0 tapi Öster á IK Brage í dag.
