Pioli rekinn frá Fiorentina (Staðfest)
Stefano Pioli.
Mynd: EPA
Stefano Pioli.
Mynd: EPA
Fiorentina hefur látið ítalska þjálfarann Stefano Pioli fara. Liðið er án sigurs í ítölsku deildinni eftir tíu leiki og situr nú í 19. sæti deildarinnar með fjögur stig, sem er versta byrjun í sögu liðsins.
Liðið tapaði gegn Lecce um helgina en eftir tapið gaf félagið út yfirlýsingu þar sem greint var frá því að enginn fulltrúi félagsins væri til tals við fjölmiðla eftir leikinn.
Fiorentina í fjölmiðlabann eftir verstu byrjun sögunnar
Hundruðir stuðningsmanna liðsins mótmæltu fyrir utan Stadio Franchi, heimavöll Fiorentina, eftir leikinn og beindist reiðin helst að Pioli.
Pioli tók við Fiorentina fyrr á árinu en þar áður stýrði hann Al Nassr og AC Milan.
Hjá Fiorentina leikur landsliðsmaðurinn Albert Guðmundsson en hann hefur spilað átta leiki í deildinni á tímabilinu og hefur hann skorað eitt mark og lagt upp annað í leikjunum átta.
