05.07.07 - 06:00
Garðar Ingi Leifsson
Phil Jagielka í Everton (Staðfest)
Hér er Jagielka í leik gegn Chelsea
Mynd: Getty Images
Hér er Jagielka í leik gegn Chelsea
Mynd: Getty Images
Everton gekk í gær frá kaupum á enska landsliðsmanninum Phil Jagielka frá Sheffield United. Everton borgaði fjórar milljónir punda fyrir Jagielka en Bolton og Wigan sýndu einnig áhuga á leikmanninum.
Jagielka sagði hins vegar strax að hann vildi bara fara til Everton en þar lék hann með unglingaliðum í eina tíð.
Everton borgaði fjórar milljónir punda fyrir leikmanninn eins og áður sagði en sú upphæð gæti lækkað þar sem skoski landsliðsmaðurinn Gary Naysmith er í viðræðum við Bryan Robson framkvæmdastjóra Sheff Utd og gæti orðið hluti af kaupverðinu.
,,Ég er búinn að eltast við Jagielka í allt sumar og er mjög ánægður að ná í hann. Hann getur leikið fleiri en eina stöðu og er góð viðbót við lið okkar. Vonandi getum við bætt við tveimur til þremur leikmönnum til viðbótar áður en leiktíðin hefst," sagði David Moyes stjóri Everton.
Everton borgaði fjórar milljónir punda fyrir leikmanninn eins og áður sagði en sú upphæð gæti lækkað þar sem skoski landsliðsmaðurinn Gary Naysmith er í viðræðum við Bryan Robson framkvæmdastjóra Sheff Utd og gæti orðið hluti af kaupverðinu.
,,Ég er búinn að eltast við Jagielka í allt sumar og er mjög ánægður að ná í hann. Hann getur leikið fleiri en eina stöðu og er góð viðbót við lið okkar. Vonandi getum við bætt við tveimur til þremur leikmönnum til viðbótar áður en leiktíðin hefst," sagði David Moyes stjóri Everton.
Heimild: Sky
