Frederic Piquionne til Portsmouth (Staðfest)

Þessi þrítugi leikmaður náði sér ekki á strik á fyrsta tímabili sínu hjá Lyon og eftir komu Lisandro Lopez frá Porto þá var franska félagið tilbúið að leyfa Piquionne að reyna fyrir sér annars staðar.

Portsmouth hefur verið í leit að framherja eftir að Peter Crouch fór til Tottenham og nú hefur félagið krækt í Piquionne.

Piquionne getur leikið sem fremsti maður sem og á kantinum en Portsmouth mun einnig hafa forkaupsrétt á honum eftir að lánssamningurinn rennur út næsta sumar.