Byrjunarlið Fram og Vestra: Fimm breytingar hjá Fram

Rúnar Kristinsson, þjálfari Fram, gerir fimm breytingar á byrjunarliði sínu frá tapinu gegn KR í síðustu umferð. Þorri Stefán Þorbjörnsson, Tryggvi Snær Geirsson, Guðmundur Magnússon, Markús Páll Ellertsson og Alex Freyr Elísson koma allir inn í byrjunarliðið. Þeir koma í stað Brynjars Gauta Guðjónssonar, Magnúsar Þórðarsonar, Djenairo Daniels, Freys Sigurðssonar og Sigfúsar Árna Guðmundssonar.

Davíð Smári Lamude, þjálfari Vestra, gerir eina breytingu á byrjunarliði sínu frá sigrinum gegn HK í síðustu umferð. Gunnar Jónas Hauksson tekur sér sæti á bekknum og í hans stað kemur Jeppe Gertsen inn í byrjunarliðið.