Ahanor í baráttu gegn Nicolás González.
Ítalska félagið Atalanta er búið að ganga frá kaupum á Honest Ahanor sem kemur úr röðum Genoa.
Atalanta greiðir um 20 milljónir evra í heildina fyrir þennan 17 ára bakvörð sem var nokkuð í kringum byrjunarliðið hjá Genoa undir lok síðustu leiktíðar.
Ahanor gaf eina stoðsendingu í sex leikjum með Genoa í Serie A deildinni og ákvað Atalanta að festa strax kaup á táningnum.
Ahanor er fæddur á Ítalíu en kemur af nígerískum ættum. Það er mikið af ungum ítölskum bakvörðum að koma upp um þessar mundir sem eru af nígerískum ættum, en þar má einnig nefna Destiny Udogie leikmann Tottenham og Michael Kayode leikmann Brentford.
Ahanor er þriðji leikmaðurinn sem kemur til Atalanta í sumar eftir Kamaldeen Sulemana frá Southampton og Odilon Kossounou frá Bayer Leverkusen, sem lék á láni hjá Atalanta á síðustu leiktíð.
???????????????????????? ???????? ????????????????! ?????????? @newbalance | #GoAtalantaGo pic.twitter.com/4E0qFi4fwQ
— Atalanta B.C. (@Atalanta_BC) July 4, 2025
Athugasemdir
