Marton Fulop til West Brom (Staðfest)

West Brom seldi aðalmarkvörðinn Scott Carson til Bursaspor fyrr í sumar og hafa verið í leit að nýjum markverði. Þeim tókst þó að fá Ben Foster til sín á láni frá Birmingham yfir tímabilið en þar sem þeir þurfa að láta frá sér Boaz Myhill í staðinn vildi Roy Hodgson fá varamarkvörð.

Nú hefur þeim málum verið reddað og mun hinn 28 ára Fulop verða til taks, en hann var áður markvörður Sunderland og hirti meðal annars sæti aðalmarkvarðar af Craig Gordon þar á bæ á tímabili.

Fulop og Foster eru báðir í leikmannahópi West Brom sem mætir Parma í vináttuleik á sunnudag.