Hürzeler hjá Brighton til 2029 (Staðfest)

Hürzeler er aðeins 33 ára gamall en var treyst fyrir starfinu hjá Brighton árið 2024 eftir að Roberto De Zerbi hætti.

Á fyrsta tímabili Hürzeler hafnaði Brighton í 8. sæti deildarinnar og er liðið aftur í baráttu um Evrópusæti. Það situr i augnablikinu í 8. sæti og aðeins einu stigi frá Evrópusæti þegar þrjár umferðir eru eftir.

Brighton er mjög ánægt með störf Hürzeler og staðfesti það með tilkynningu sinni í dag, en hann hefur skrifað undir nýjan samning sem gildir til 2029.

„Ég er hæstánægður með að hafa samþykkt nýjan samning og ég elska að starfa fyrir félagið og búa í borginni. Það er alger heiður að fá þessa langtíma skuldbindingu hjá félaginu sem styrkir þrá mína í að ná langtímamarkmiðum okkar.“

„Frá því ég kom hefur einbeitingin alltaf verið á því að smíða einkenni okkar, þróa liðið, ögra ríkjandi öflum og hækka kröfurnar á hverjum degi. Ég er stoltur af því sem við höfum áorkað til þessa og enn spenntari fyrir komandi tímum,“ sagði Hürzeler.