Sádi-arabíska félagið Al Ahli hefur gengið frá kaupum á franska U21 landsliðsmanninum Valentin Atangana frá Reims fyrir 25 milljónir evra.
Atangana þreytti frumraun sína með aðalliði Reims fyrir tveimur árum og spilaði síðan stórt hlutverk á síðustu leiktíð er liðið komst í bikarúrslit. Liðið stóð sig ekki jafn vel í deildinni, en það hafnaði þriðja neðsta sæti og tapaði síðan umspilinu gegn Metz um sæti í deildinni.
Þessi tvítugi leikmaður var eftirsóttur af Strasbourg í sumar áður en Al Ahli kom inn í baráttuna.
Al Ahli yfirbauð Strasbourg og hefur nú staðfest komu miðjumannsins.
Atangana á að baki fjölda landsleikja með yngri landsliðum Frakklands. Hann á 2 leiki með U21 árs landsliðinu, en ekki verið í hóp í síðustu verkefnum.
From Paris to Jeddah.. Atangana goes green ?? ????#Atangana_Ahlawi pic.twitter.com/yQBooSE2qh
— Al-Ahli Saudi Club (@ALAHLI_FCEN) September 6, 2025
Athugasemdir
