07.10.09 - 17:18
Hafliði Breiðfjörð
Gunnleifur Gunnleifsson í FH - Daði hættur í FH (Staðfest)
Gunnleifur Gunnleifsson er genginn í raðir FH.
Mynd: Fótbolti.net - Vilhjálmur Siggeirsson
Gunnleifur Gunnleifsson er genginn í raðir FH.
Mynd: Fótbolti.net - Vilhjálmur Siggeirsson
Markvörðurinn Gunnleifur Gunnleifsson er genginn í raðir FH frá HKen þetta var staðfest í tilkynningu frá Íslandsmeisturunum nú undir kvöld. Gunnleifur gerir þriggja ára samning við FH en um leið tilkynnti FH að Daði Lárusson hefur verið leystur undan samningi.
![](\"http://www.fotbolti.net/images/r_arrow.gif\"){kind=icon}
Stjórn knattspyrnudeildar FH hefur náð samkomulagi við HK og Gunnleif Gunnleifsson um að Gunnleifur gangi í raðir FH. Gunnleifur gerir þriggja ára samning við FH. Félagið fagnar því að fá jafn sterkan leikmann og Gunnleif í sínar raðir og væntir mikils af honum.
Jafnframt er ljóst að Daði Lárusson sem verið hefur fyrsti markvörður félagsins undanfarin 14 keppnistímabil mun verða leystur undan samningi við félagið í samráði við hann sjálfan.
Stjórn knattspyrnudeildar vill nota tækifærið og þakka Daða fyrir frábæra þjónustu við félagið, þar sem hann hefur verið lykilmaður í öllum þeim fjölda titla sem félagið hefur unnið á síðustu misserum.
Daði er frábær markvörður og frábær félagsmaður sem á að baki glæstan feril og unnið til allra æðstu metorða sem hægt er að vinna í íslenskri knattspyrnu. Daða óskum við alls hins besta, hér eftir sem
hingað til.
Virðingarfyllst.
Stjórn knattspyrnudeildar FH
