Táningurinn William Cole Campbell þreytti í gær í frumraun sína með U19 liði Borussia Dortmund er liðið vann sigur á Hibernian í Evrópukeppni unglingaliða.
Þessi efnilegi unglingalandsliðsmaður fór til Dortmund síðasta sumar eftir að hafa verið á mála hjá FH og Breiðabliki hér á landi.
Cole á bandarískan föður en móðir hans er Rakel Björk Ögmundardóttir, sem skoraði sjö mörk í tíu leikjum fyrir íslenska kvennalandsliðið.
Þessi 16 ára gamli leikmaður hefur skorað sex mörk í ellefu leikjum með U17 liði Dortmund og fékk því stórt tækifæri í gær með U19 liðinu.
Það verður svo sannarlega spennandi að fylgjast með ferli hans í Þýskalandi.
Fyrir áramót lék Cole fimm leiki með U17 landsliði Íslands og skoraði tvö mörk.
Athugasemdir