08.08.06 - 17:41
Hafliði Breiðfjörð
Djimi Traore og Amdy Faye til Charlton (Staðfest)
Traore er kominn til Charlton.
Mynd: Getty Images
Traore er kominn til Charlton.
Mynd: Getty Images
Amdy Faye miðvallarleikmaður Newcastle United og Djimi Traore varnarmaður Liverpool gengu í dag í raðir Charlton Athletic en eins og við sögðum frá í gær voru þeir þá í læknisskoðun hjá félaginu.
Þeir komust báðir klakklaust í gegnum læknisskoðunina og komust í kjölfarið að samkomulagi við félagið um kaup og kjör. Þeir gera báðir þriggja ára samning við félagið.
Traore sem var í sjö ár hjá Liverpool getur spilað jafnt sem miðvörður eða vinstri bakvörður og því ljóst að hann mun veita Hermanni Hreiðarssyni samkeppni í vörninni.
Faye var í átján mánuði hjá Newcastle en náði ekki að vinna sér fast sæti í liðinu. Auk þeirra tveggja eru þeir Jimmy Floyd Hasselbaink og Simon Walton komnir til Charlton.
Traore sem var í sjö ár hjá Liverpool getur spilað jafnt sem miðvörður eða vinstri bakvörður og því ljóst að hann mun veita Hermanni Hreiðarssyni samkeppni í vörninni.
Faye var í átján mánuði hjá Newcastle en náði ekki að vinna sér fast sæti í liðinu. Auk þeirra tveggja eru þeir Jimmy Floyd Hasselbaink og Simon Walton komnir til Charlton.
