Sonja Björk orðin leikmaður KR (Staðfest)

Sonja Björk lék með KR í Pepsi-deildinni í sumar en þá var hún á lánssamningi frá Hetti á Egilsstöðum.

Hún var meðal bestu leikmanna KR í sumar og vakti athygli fyrir góða frammistöðu sína.

Hún lék í heildina 11 deildarleiki með liðinu í sumar og skoraði í þeim níu mörk.

Nú er ljóst að hún leikur áfram með liðinu en KR endaði í sjötta sæti deildarinnar í sumar sem var á pari við þær væntingar sem sérfræðingar gerðu til liðsins.