Björn Daníel Sverrisson hefur skrifað undir þriggja ára samning við Sindra um að taka við þjálfun meistaraflokks karla félagsins.
Á dögunum lagði Björn skóna á hilluna eftir glæsilegan feril. Hans seinasti leikur með FH, og á ferlinum, var gegn Fram en það var einnig kveðjuleikur Heimis Guðjónssonar sem er nýtekinn við Fylki.
Björn hefur verið orðaður við starfið á Hornafirði eftir að hann hætti og hafa Sindramenn nú staðfest ráðninguna.
„Eftir farsælan feril í Bestu deildinni síðustu ár hefur Björn Daníel ákveðið að snúa sér að þjálfun og við hjá Sindra erum afar stolt og ánægð að fá hann í okkar lið. Það eru spennandi tímar framundan hjá Sindra!“ stendur í tilkynningu Sindra.
Athugasemdir
