Jeppe Pedersen hefur skrifað undir tveggja ára samning við KA. Hann kemur til félagsins frá Vestra þar sem hann spilaði í eitt og hálft tímabil. Fótbolti.net sagði frá áhuga KA á leikmanninum í upphafi vikunnar.
Jeppe er 24 ára danskur miðjumaður sem skoraði sigurmark Vestra í úrslitaleik Mjólkurbikarsins í ágúst. Markið var einkar glæsilegt þrumuskot fyrir utan vítateig. Markið tryggði Vestra fyrsta bikarmeistaratitilinn í sögu félagsins.
Jeppe er annar leikmaðurinn sem KA fær frá Vestra í vetur því Diego Montiel gekk í raðir KA í lok nóvember. Hann var orðaður við Þór og Val fyrir áramót.
Jeppe er 24 ára danskur miðjumaður sem skoraði sigurmark Vestra í úrslitaleik Mjólkurbikarsins í ágúst. Markið var einkar glæsilegt þrumuskot fyrir utan vítateig. Markið tryggði Vestra fyrsta bikarmeistaratitilinn í sögu félagsins.
Jeppe er annar leikmaðurinn sem KA fær frá Vestra í vetur því Diego Montiel gekk í raðir KA í lok nóvember. Hann var orðaður við Þór og Val fyrir áramót.
Úr frétt á heimasíðu KA
Jeppe átti heldur betur eftirminnilegt sumar fyrir vestan en hann var lykilmaður í liðinu sem hampaði bikarmeistaratitlinum og gerði meðal annars sigurmarkið í úrslitaleiknum gegn Val með stórkostlegu skoti fyrir utan teig. Jeppe lék 26 leiki af 27 leikjum Vestra í Bestudeildinni í sumar en hann gekk í raðir liðsins um mitt sumar 2024 og átti stóran þátt í að Vestri hélt sæti sínu í Bestudeildinni það sumarið.
Jeppe sem er 24 ára gamall danskur miðjumaður er uppalinn hjá Álaborg í Danmörku og lék á sínum tíma 32 leiki fyrir yngri landslið Dana. Fyrir komu hans í Vestra lék hann nokkra leiki með sterku liði Álaborgar auk þess að leika á láni hjá dönsku liðunum Skive, Vensyssel og Kolding.
Það er afar sterkt að fá Jeppe hingað norður enda hefur hann sýnt styrk sinn hér á landi og dýrmætt að fá inn leikmann sem hefur nú þegar aðlagast íslenska boltanum. Bróðir Jeppe er Patrick Pedersen leikmaður Vals sem er markahæsti leikmaður í sögu efstu deildar á Íslandi.
Við bjóðum Jeppe hjartanlega velkominn í KA og bíðum spennt að sjá til hans í gula og bláa búningnum í sumar.
Athugasemdir
