Gunnar Líndal Sigurðsson til Stryn (Staðfest)

Gunnar er uppalinn Þórsari og steig sín fyrstu skref með meistaraflokki árið 2002 en þessi 24 ára gamli leikmaður lék á sínum tíma með yngri landsliðum Íslendinga.

Í fyrra lék Gunnar tvo leiki með Þór í fyrstu deildinni en árið áður var hann á mála hjá Fram þar sem hann lék einn leik sumarið 2007.

Gunnar er menntaður verkfræðingur og mun vinna samhliða boltanum í Noregi hjá fyrirtækinu Nordfjord Kjøt.

Pétur Heiðar Kristjánsson og Kristján Sigurólason gengu í haust til liðs við Stryn en þeir eru líkt og Gunnar uppaldir hjá Þór. Jóhann Sigurðsson þjálfar Stryn en hann hafði áður leikið með liðinu.