Bischof lék sinn fyrsta A-landsleik fyrir Þýskaland í gær.
Þýskalandsmeistarar FC Bayern eru búnir að staðfesta félagaskipti Tom Bischof til félagsins frá Hoffenheim. Hann er kynntur sem nýr leikmaður á sama tíma og miðvörðurinn Jonathan Tah sem kemur á frjálsri sölu frá Bayer Leverkusen.
Bischof er gríðarlega efnilegur og fjölhæfur leikmaður sem leikur sem miðjumaður að upplagi. Hann getur einnig spilað á báðum köntum og sem sóknartengiliður.
Bischof kom að 9 mörkum í 41 leik með Hoffenheim á nýliðnu tímabili en núna er hann búinn að gera fjögurra ára samning við Bayern.
Bischof, sem verður tvítugur í lok júní, verður því skráður til leiks með Bayern á HM félagsliða í sumar. Rétt eins og Jonathan Tah.
?? Agreement with Leverkusen & Hoffenheim ????
— FC Bayern (@FCBayernEN) June 9, 2025
Jonathan Tah and Tom Bischof join #FCBayern for the #FIFACWC ???? https://t.co/8eOZyvN5GB pic.twitter.com/IXeqojLLok
Athugasemdir
