Reynsluboltinn og stuðpinninn Scott Carson er á förum frá Manchester City þegar samningur hans rennur út um mánaðamótin en félagið greinir frá þessu.
Carson er 39 ára gamall og verið á mála hjá Man City frá 2019.
Hann kom fyrst á láni frá Derby County og var síðan fenginn alfarið yfir tveimur árum síðar.
Á sex árum hans hjá Man City spilaði hann aðeins tvo leiki, í markalausu jafntefli gegn Sporting í Meistaradeildinni og í 4-3 sigri á Newcastle United í deildinni.
Carson er vinsæl fígúra í búningsklefa Man City og var það stór ástæða fyrir að hann hélt sæti sínu í hópnum. Hann kvartaði ekki yfir því að fá ekki að spila heldur ákvað frekar að njóta ferðalagsins.
Samningur hans rennur út í sumar og er ljóst að hann er á förum frá félaginu, en Man City er að skoða það að fá Marcus Bettinelli, 33 ára gamlan markvörð Chelsea, í stað Carson.
Man City vil ganga frá markvarðarmálunum fyrir HM félagsliða sem hefst á næstu dögum.
After six seasons with the Club, Scott Carson will leave Manchester City when his contract expires this summer.
— Manchester City (@ManCity) June 9, 2025
We would like to thank Scott for his hard work and dedication and wish him the very best of luck for the future ????
Athugasemdir
