Spænska félagið Real Betis hefur virkjað kaupákvæði í samningi brasilíska varnarmannsins Natan, en hann kemur til félagsins frá Napoli fyrir 8 milljónir evra.
Natan er 24 ára gamall miðvörður sem hefur spilað í Evrópu síðustu tvö árin.
Hann kom til Napoli frá Red Bull Bragantino árið 2023 fyrir 10 milljónir evra.
Brassinn náði sér ekki alveg á strik á Ítalíu og var því lánaður til Betis fyrir síðasta tímabil þar sem hann blómstraði.
Natan var í liði ársins í Sambandsdeild Evrópu er Betis komst í úrslit keppninnar í fyrsta sinn og spilaði þá frábærlega í La Liga þar sem Betis lenti í 6. sæti.
Mikil ánægja var með frammistöðu hans hjá Betis og hefur félagið nú virkjað 8 milljóna evra kaupákvæði í samningi hans.
Miðvörðurinn skrifaði undir fimm ára samning.
Natan stays! ???????? pic.twitter.com/9qSszAKEJk
— Real Betis Balompié (@RealBetis_en) June 9, 2025
Athugasemdir
