Nottingham Forest er búið að selja kantmanninn Ramón Sosa til brasilíska stórveldisins Palmeiras, þar sem hann á að hjálpa til við að fylla í skarðið sem Estevao skilur eftir sig með félagaskiptum sínum til Chelsea.
Forest fær um 10 milljónir punda fyrir Sosa, sem er 25 ára gamall og hefur spilað 22 landsleiki með Paragvæ.
Sosa kom við sögu í 23 leikjum með Forest á síðustu leiktíð og tók þátt í fjórum mörkum, en hann þótti ekki nægilega góður fyrir liðið og hefur því verið seldur.
Forest keypti leikmanninn upprunalega frá argentínska félaginu CA Talleres fyrir svipaða upphæð.
Sosa fann ekki taktinn í enska boltanum en gæti verið tilvalinn fyrir brasilísku deildina.
RAMÓN SOSA 1,2,3 ???? pic.twitter.com/cVZiCj2Lip
— SE Palmeiras (@Palmeiras) July 9, 2025
Athugasemdir
