„Nokkuð auðvelt val í dag fyrir mig. Tryggvi var frábær í fyrri hálfleik, skoraði tvö góð mörk og hefði alveg getað skorað fleiri," skrifaði Sverrir Örn Einarsson, fréttamaður Fótbolta.net, í skýrslunni um 4-2 sigur Vals gegn KA á frídegi verslunarmanna.

Sverrir valdi Tryggva mann leiksins og gott betur en það því Tryggvi er Sterkasti leikmaður umferðarinnar í boði Steypustöðvarinnar og það í annað sinn í sumar.