Sádi-arabíska félagið Al Ittihad, sem er í eigu PIF (ríkissjóðs Sádi-Arabíu), hefur nælt í serbneska miðvörðinn Jan-Carlo Simic frá Anderlecht í Belgíu.
Þessi tvítugi varnarmaður spilaði með ungingaliðum Stuttgart og AC Milan, en hann þreytti frumraun sína með aðalliði ítalska félagsins fyrir tveimur árum.
Hann lék sex leiki og skoraði eitt mark á því tímabili áður en hann var seldur til Anderlecht fyrir þrjár milljónir evra.
Þar hefur hann verið að gera góða hluti og unnið sér sæti í serbneska landsliðinu, en ferill hans hefur tekið óvænta stefnu því hann er nú mættur til Al Ittihad í Sádi-Arabíu.
Al Ittihad greiðir 21 milljón evra fyrir Simic, en 20 prósent af kaupverðinu fer til Milan. Samningurinn er til fjögurra ára.
Þetta er þriðji leikmaðurinn sem Al Ittihad sækir utan Sádi-Arabíu á eftir þeim Roger Fernandes og Mahamadou Doumbia.
Welcome Simic to our team ???? pic.twitter.com/vIIOiawGGj
— Al-Ittihad Club (@ittihad_en) September 10, 2025
Athugasemdir
