Lee Dixon, fyrrum varnarmaður enska landsliðsins og Arsenal, finnst að Chris Wilder ætti að vera stjóri tímabilsins á Englandi.

Wilder, sem er 52 ára stjóri Sheffield United, hefur gert frábæra hluti með nýliðanna og situr liðið í fimmta sæti deildarinnar. Sheffield er einungis tveimur stigum á eftir Chelsea sem situr í Meistaradeildarsæti.

Dixon er á því að það sé hægt að færa rök fyrir því að afrek Wilder sé meira en afrek Jurgen Klopp sem er með Liverpool ósigrað og langefst í deildinni.

„Það má segja að Wilder sé að gera betri hluti en Jurgen Klopp. Það er ekki einungis úrslitin sem liðið hefur náð í heldur hvernig liðið hefur verið á leiktíðinni."

„Liðið er fullt af orku og stuðningsmenn vilja sjá viljann. Það er eins og andrúmsloftið í kringum liðið búi til viljuga knattspyrnumenn."

„Upplegg liðsins er eitthvað sem hefur komið á óvart og hvað hann nær úr liðinu. Það má segja að hann ætti að vera efstur á lista," sagði Dixon að lokum.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit