11.10.21 - 22:35
Guðmundur Aðalsteinn Ásgeirsson
Segir Stjörnumenn vera að reyna að fá Heimi Hallgríms
Heimir Hallgrímsson.
Mynd: Fótbolti.net - Hafliði Breiðfjörð
Heimir Hallgrímsson.
Mynd: Fótbolti.net - Hafliði Breiðfjörð
Heimir Hallgrímsson var orðaður við þjálfarastarfið hjá Stjörnunni í hlaðvarpinu Dr Football í dag.
Heimir er án starfs í fótboltanum eftir að hætt með Al Arabi í Katar fyrr á þessu ári. Hann er fyrrum landsliðsþjálfari þar sem hann stýrði landsliðinu inn á tvö stórmót.
„Stjörnumenn eru að reyna við Heimi Hallgrímsson. Ég er að segja ykkur það," sagði Hjörvar Hafliðason, fótboltasérfræðingur.
Þorvaldur Örlygsson þjálfaði Stjörnuna á síðustu leiktíð en hann fór í nýtt starf eftir tímabilið og er núna rekstrarstjóri hjá félaginu. Ágúst Gylfason og Jón Þór Hauksson hafa verið orðaðir við starfið hjá Stjörnunni.
„Ég trúi þessu. Ég hitti einn Stjörnumann í síðustu viku sem var að tala um þetta. Hann var að tala um þá aura sem Heimir var að biðja um í leikmannamál til þess að hann færi að hugsa þetta. Þá talaði hann um að hann vildi fá 100 milljónir á ári í nýja leikmenn," sagði Hörður Snævar Jónsson, ritstjóri 433.is.
„Ég trúi þessu og vona. Það væri geggjað ef hann kæmi í Garðabæinn," sagði Albert Brynjar Ingason, sóknarmaður Fylkis.
Það yrði risastórt að fá Heimi í Pepsi Max-deildina. Hann hefur verið orðaður við félagslið í Sviss og í Rússlandi eftir að hann hætti í Katar. Sama hvað, þá verður spennandi að sjá hvert hans næsta skref verður.
„Stjörnumenn eru að reyna við Heimi Hallgrímsson. Ég er að segja ykkur það," sagði Hjörvar Hafliðason, fótboltasérfræðingur.
Þorvaldur Örlygsson þjálfaði Stjörnuna á síðustu leiktíð en hann fór í nýtt starf eftir tímabilið og er núna rekstrarstjóri hjá félaginu. Ágúst Gylfason og Jón Þór Hauksson hafa verið orðaðir við starfið hjá Stjörnunni.
„Ég trúi þessu. Ég hitti einn Stjörnumann í síðustu viku sem var að tala um þetta. Hann var að tala um þá aura sem Heimir var að biðja um í leikmannamál til þess að hann færi að hugsa þetta. Þá talaði hann um að hann vildi fá 100 milljónir á ári í nýja leikmenn," sagði Hörður Snævar Jónsson, ritstjóri 433.is.
„Ég trúi þessu og vona. Það væri geggjað ef hann kæmi í Garðabæinn," sagði Albert Brynjar Ingason, sóknarmaður Fylkis.
Það yrði risastórt að fá Heimi í Pepsi Max-deildina. Hann hefur verið orðaður við félagslið í Sviss og í Rússlandi eftir að hann hætti í Katar. Sama hvað, þá verður spennandi að sjá hvert hans næsta skref verður.
Kári Kristján verður að biðja landsliðmenn afsökunar, Sigurður G með bombu, Gulli gerir hárrétt fyrir sinn feril og Amanda vondi kallinn í James Bond mynd.https://t.co/zHSarIaqIP
— Dr. Football Podcast (@drfootballpod) October 11, 2021
