„Alfreð, takk fyrir allt"

Fyrir leik Íslands og Wales sem nú er nýhafinn var Alfreð Finnbogason heiðraður fyrir sinn landsliðsferil.

Þorvaldur Örlygsson, formaður KSÍ, færði Alfreð blómvönd. Í kjölfarið klöppuðu áhorfendur á Laugardalsvelli fyrir framherjanum.

Alfreð lagði landsliðsskóna á hilluna í ágúst. Hann er fjórði markahæsti leikmaður í sögu landsliðsins og var hluti af liðinu sem fór bæði á EM og HM.