Leikmenn Macclesfield í verkfalli

Sex leikmenn úr unglingaliðinu og fimm leikmenn sem eru í láni spiluðu fyrir Macclesfield í gær, en aðalliðshópurinn er í verkfalli vegna ógreiddra launa.

Margir stuðningsmenn Macclesfield sniðgengu leikinn og mótmæltu þess í stað eigandanum óvinsæla, Amar Alkadhi.

Sol Campbell og Hermann Hreiðarsson þjálfuðu Macclesfield um skeið, en þeir hættu fyrr á þessari leiktíð vegna fjárhagsvandræða og svikinna loforða.

Campbell og Hermann þjálfa nú saman Southend í ensku C-deildinni.