Stjörnukonur hafa landað bandaríska markverðinum Bridgette Nicole Skiba frá Lexington í USL-deildinni.
Skiba, sem er 25 ára gömul, spilaði með Oregon í háskólaboltanum áður en hún samdi við Chicago Stars í NWSL-deildinni (úrvalsdeild Bandaríkjanna).
Árið 2022 gekk hún í raðir HB Köge í Danmörku þar sem hún varð deildarmeistari á fyrsta tímabili sínu, en hún yfirgaf félagið á síðasta ári og hélt aftur heim til Bandaríkjanna.
Þar spilaði hún með Lexington í næst efstu deild, en er nú mætt í Stjörnuna út tímabilið.
Vera Varis hefur staðið á milli stanganna undanfarið eftir að Auður Sveinbjörnsdóttir Scheving hélt aftur út til Bandaríkjanna í nám.
Stjarnan er í 6. sæti með 15 stig eftir tólf umferðir.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
