Maurizio Sarri, þjálfari Juventus, gefur lítið fyrir það að liðið hans sé „vetrarmeistari" en Juventus er á toppnum þegar deildin er hálfnuð.

Sarri hefur reynslu af því að vera á toppnum eftir hálft tímabil en það gerðist í tvígang er hann þjálfaði Napoli en ekki tókst honum að vinna deildina. Juventus lagði Roma að velli í hörkuleik í gærkvöldi og komst liðið þannig á toppinn.

„Vetrarmeistarar? Eiginkona mín segir að ég sé ennþá sami rasshausinn og áður," sagði Sarri léttur.

„Ég varð vetrarmeistari tvisvar með Napoli án þess að ná að vinna deildina. Ég fann það út að það á ekki að taka mark á svona tölfræði."

Næsti deildarleikur Juventus er heimaleikur gegn Parma en ljóst er að hart verður barist um titilinn. Inter er tveimur stigum á eftir Juventus en Lazio er heldur ekki langt á eftir. Liðið hefur unnið tíu leiki í röð og er sex stigum á eftir Juventus með leik til góða.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit