Sigurpáll Sören Ingólfsson hefur verið lánaður frá KR í Ægi fyrir baráttuna í Lengjudeildinni næsta sumar. Ægir vann 2. deildina í fyrra og spilar því í Lengjudeildinni á komandi tímabili.
Tilkynning KR:
Sigurpáll Sören Ingólfsson (2003) er farinn á lán til Knattspyrnufélagsins Ægis í Þorlákshöfn.
Sigurpáll Sören er uppalinn KR-ingur sem hefur leikið 14 meistaraflokksleiki fyrir félagið. Hann hefur verið varamarkvörður liðsins síðustu tímabil en hann lenti í því óhappi í júlí í fyrra að ökklabrotna á æfingu.
Við óskum Sigurpáli Sören góðs gengis í nýju verkefni!.
Athugasemdir




