Skotinn Kieran McGrath var ekki með Gróttu í gær þegar liðið tapaði 4-0 fyrir ÍA vegna meiðsla.
McGrath er sóknarmaður sem kom til Gróttu á lokadegi félagaskiptagluggans. Grótta skipaði hann í sóttkví en núna er hann búinn með hana.
McGrath, sem er 19 ára, var á bekknum hjá 2. flokki síðastliðið föstudagskvöld. Hann kom inn á þar og skoraði mark. Hann meiddist hins vegar líka í leiknum.
„Þetta eru léttvæg meiðsl og við reiknum með að hann verði kominn fljótlega inn," sagði Ágúst Gylfason, þjálfari Gróttu, í viðtali eftir tapið gegn Skagamönnum í gær.
Næsti leikur Gróttu er við KA á Akureyri næstkomandi laugardag. Spurning er hvort McGrath verði með þar.
Athugasemdir