Al-Hilal er ennþá taplaust á tímabilinu en síðasti tapleikur liðsins kom á HM félagsliða síðasta sumar, eftir að hafa slegið Manchester City úr leik.
Stórstjörnurnar Rúben Neves og Kalidou Koulibaly hafa framlengt samninga sína við sádi-arabíska stórveldið Al-Hilal sem er að gera magnaða hluti undir stjórn Simone Inzaghi.
Neves var mikið orðaður við ýmis stór félagslið í Evrópu en hann hefur ákveðið að binda enda á sögusagnirnar með undirritun á nýjum skattfrjálsum risasamningi.
Neves gerir þriggja og hálfs árs samning út tímabilið sem endar 2029 á meðan Koulibaly gerir eins og hálfs árs samning sem endar sumarið 2027.
Neves, sem er 28 ára gamall, er mikilvægur hlekkur í sterku landsliði Portúgal og hefur komið með beinum hætti að 13 mörkum í 18 deildarleikjum á tímabilinu.
Koulibaly, 34 ára fyrrum leikmaður Chelsea og Napoli, er mikilvægur hlekkur í landsliði Senegal sem varð Afríkumeistari í janúar. Hann spilaði þó ekki úrslitaleikinn sökum meiðsla.
"Finally the day arrived” ????@rubendsneves_ after extending his contract ????????
— AlHilal Saudi Club (@Alhilal_EN) February 4, 2026
pic.twitter.com/9ofqjuXTCH
Athugasemdir
