Jordao Diogo til KR (Staðfest)

Diogo kom hingað til lands í byrjun mánaðarins og hefur æft með KR og einnig leikið æfingaleik með liðinu.

Diogo kom upp í gegnum unglingastarf, Benfica en hefur undanfarið leikið á Englandi.

,,Hann er búinn að sýna það á æfingum hjá okkur og í vináttuleiknum gegn Njarðvík að hann hefur mikið fram að færa og er ágætis leikmaður. Við ákváðum að taka hann og styrkja hópinn okkar," sagði Rúnar Kristinsson yfirmaður knattspyrnumála hjá KR

Diogo er kominn með leikheimild hjá KR og því getur hann verið í leikmannahópi liðsins gegn Fjölni annað kvöld.