„99% líkur" að Serie A fari af stað 13. júní

Félög í Serie A samþykktu 13. júní sem raunhæfa dagsetningu til að byrja að spila aftur og bíða nú eftir samþykki frá stjórnvöldum. Ítalska deildin myndi þá fara aftur af stað á sama tíma og sú enska, en Ítalía og England eru þau lönd sem hafa lent hvað verst í kórónuveirunni.

„Það eru 99% líkur að stjórnvöld samþykki tillögu Serie A um að ræsa tímabilið að nýju í júní," sagði Malago.

„Ef við eigum að ræða líkurnar á að tímabilið verði klárað þá er það allt annað mál. Við þyrftum að geta séð inn í framtíðina til að svara því. Það er mögulegt að tímabilið verði ekki klárað, markmiðið þessa stundina er að koma því aftur í gang."

Juventus er á toppi ítölsku deildarinnar, einu stigi á undan Lazio, þegar tólf umferðir eru eftir.

Sjá einnig:
Serie A af stað 13. júní ef stjórnvöld gefa grænt ljós