14.08.06 - 16:44
Hafliði Breiðfjörð
Liverpool lánar Carson til Charlton (Staðfest)
Mynd: Fótbolti.net - Hörður Snævar Jónsson
Mynd: Fótbolti.net - Hörður Snævar Jónsson
Scott Carson markvörður Liverpool hefur verið lánaður til Charlton til loka tímabilsins. Markvörðurinn sem er tvítugur var þriðji markvörður Englands á Heimsmeistaramótinu í sumar og er í U21 árs landsliðinu.
Í síðasta mánuði framlengdi Carson samningi sínum við Liverpool um tvö ár til viðbótar eða til ársins 2011. Hann kom til Liverpool frá Leeds United en þá hafði Liverpool betur í baráttunni við Chelsea um hann.
Hann var á láni hjá Sheffield Wednesday á síðustu leiktíð og var svo valinn í landslið Englands sem fór á HM vegna meiðsla Robert Green. Carson er annar landsliðsmarkvörður Liverpool sem er í útláni. Hinn er Chris Kirksland sem er hjá Wigan en er í landsliðshópnum gegn Grikkjum á miðvikudag.
Hann var á láni hjá Sheffield Wednesday á síðustu leiktíð og var svo valinn í landslið Englands sem fór á HM vegna meiðsla Robert Green. Carson er annar landsliðsmarkvörður Liverpool sem er í útláni. Hinn er Chris Kirksland sem er hjá Wigan en er í landsliðshópnum gegn Grikkjum á miðvikudag.
