Glugginn í ensku ofurdeildinni lokar í dag - Man Utd fær heimsmeistara (Staðfest)

Chelsea hefur einnig styrkt sig í glugganum með því að fá Ashley Lawrence, Catarina Macario, Mia Fishel, Hannah Hampton og Nicky Evrard. Þær koma inn en á móti fóru þær Magdalena Eriksson og Pernille Harder til Bayern.

Russo fór til Arsenal sem fékk einnig Amanda Ilestedt, Laia Codina og Cloe Lacasse í glugganum. Arsenal vinnur í því að fá Kyra Cooney-Cross frá Hammarby. Hún er ástralskur miðjumaður sem er talin kosta um 140 þúsund pund.

Manchester City hefur einnig styrkt sig en félagið greiddi metupphæð fyrir Jill Roord í glugganum.

Á síðasta gluganum hafa svo dottið inn þau tíðindi að brasilíska landsliðskonan Ivana Fuso, sóknarmaður sem var hjá Man Utd, hefur verið seld í Championship deildina þar sem hún mun spila með Birmingham.

United hefur þá keypt Irene Guerrero miðjumann Atletico Madrid sem varð heimsmeistari með Spáni í sumar. Alls er von á þremur kaupum hjá United í dag. Gabby George verður líklega ein af þeim kaupum.

Enska deildin byrjar 1. október og hefur Chelsea unnið deildina fjögur tímabil í röð.