Faxaflóamótið: Allt fjörið á fyrstu tíu mínútunum

Keflavík og Haukar skildu jöfn þegar liðin mættust í Faxaflóamóti kvenna í dag.

Allt fjörið var á fyrstu tíu mínútum leiksins; Haukar tóku forystuna á þriðju mínútu þegar Berglind Þrastardóttir skoraði og fimm mínútum síðar jafnaði Aníta Lind Daníelsdóttir fyrir Keflavík.

Ekki voru fleiri mörk skoruð í Nettóhöllinni í Reykjanesbæ og niðurstaðan því jafntefli.

Bæði lið eru með eitt stig eftir tvo leiki; Keflavík tapaði fyrir Stjörnunni í fyrsta leik og Hauka töpuðu sannfærandi gegn Aftureldingu.

Keflavík er í efstu deild og Haukar í næst efstu deild.