Fred til Fluminense (Staðfest)

Samkvæmt fréttamiðlum þá mun Fred klára kaupin á næsta laugardag þegar hann skrifar undir pappíra hjá Lyon sem gerir hann frjálsan frá félaginu, og mun Fluminense kynna hann fyrir fréttamönnum á sunnudagsmorgun.

Fred mun fá hvorki meira né minna en 100.000 evrur í vikulaun, og auk þess 3 milljónir evra við undirskrift. Samningurinn mun gilda til næstu fimm ára, en hann telur þetta frábæra leið til þess að koma sér í brasilíska landsliðið fyrir HM 2010.

Fred sem er 25 ára skoraði 34 mörk í 81 leik fyrir Lyon og hefur þá leikið 9 landsleiki fyrir Brasilíu og skorað 5 mörk.