Halldór Bogason í KV (Staðfest)

Halldór hefur æft og leikið með KV frá áramótum og hefur hann nú ákveðið að skipta yfir í félagið en fleiri lið úr 1. og 2. deild höfðu áhuga á að fá leikmanninn í sínar raðir. Halldór sem er tvítugur er uppalinn í KR en lék stórt hlutverk í liði Aftureldingar í 2.deild á síðustu leiktíð.

Halldór getur bæði leikið sem miðvörður og miðjumaður og væntir KV mikils af honum á komandi tímabili.

Fyrr í mánuðinum var einnig gengið frá skiptum á Atla Vali Jóhannssyni úr KR og Guðmundi Erni Árnasyni úr Gróttu. Báðir eru þeir uppaldir í KR þar sem þeir léku upp alla yngri flokka

Auk þess var gengið frá endanlegum félagaskiptum Auðuns Arnar Gylfasonar úr KR en Auðunn lék stórt hlutverk í 3. deildarmeistaraliði KV í fyrra sem lánsmaður frá KR. Árið 2010 lék Auðunn einn leik í Pepsi deild karla með KR. Þeir Halldór, Atli og Auðunn léku allir með 2. flokks liði KR sem urðu Íslandsmeistarar 2009 og Bikarmeistarar 2010.

Allir leikmennirnir hafa leikið með í þeim æfingaleikjum sem KV hefur leikið í vetur.