Á meðan knattspyrnuleikjum er frestað um alla Evrópu heldur rússneska deildarkeppnin áfram yfir helgina þrátt fyrir kórónaveiruna sem hefur dreift sér um allan heim.
Samkomubann í Rússlandi tekur ekki gildi fyrr en eftir helgi og geta fótboltahungraðir aðdáendur því stytt sér sunnudaginn með rússneska boltanum.
Krasnodar heimsækir Sochi í fyrsta leik dagsins sem hefst klukkan 11:00. Jón Guðni Fjóluson er varaskeifa hjá Krasnodar sem hefur verið að gera góða hluti og situr í öðru sæti deildarinnar, níu stigum eftir toppliði Zenit með leik til góða.
Klukkan 13:30 fer svo spennandi viðureign CSKA Moskvu og Ufa af stað. Arnór Sigurðsson og Hörður Björgvin Magnússon eru á mála hjá CSKA sem er í harðri baráttu um Meistaradeildarsæti.
Leikir dagsins:
11:00 Sochi - Krasnodar
13:30 CSKA Moskva - Ufa
16:00 Rostov - Lokomotiv Moskva
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
