Hjörtur Júlíus Hjartarson í Selfoss (Staðfest)

Hjörtur, sem er 34 ára gamall, er kominn með leikheimild með Selfyssingum og getur því leikið með liðinu gegn KA í fyrstu deildinni á laugardag.

Í sumar hefur Hjörtur skorað tvö mörk í níu leikjum í Pepsi-deildinni en hann var ekki með Þrótti í síðasta leik liðsins gegn Fram.

Hjörtur lék lengst af á sínum ferli með ÍA en síðustu þrjú ár hefur hann leikið með Þrótti.

Hann skoraði átján mörk sumarið 2007 og hjálpaði Þrótti að komast í efstu deild þar sem hann skoraði átta mörk á síðustu leiktíð.