Stewart Downing til Liverpool (Staðfest)

Downing, sem er 26 ára gamall vængmaður stóðst læknisskoðun hjá félaginu fyrr í dag og skrifaði í kjölfarið undir langtímasamning en þetta kom fram á heimasíðu félagsins nú rétt í þessu.

Kaupverðið er talið vera um 20 milljónir punda, en Villa hafði áður hafnað tveimur tilboðum frá Liverpool áður en liðið samþykkti þetta boð.

Hann er fjórði leikmaðurinn sem Liverpool fær í sumar, en þegar hefur félagið fengið Jordan Henderson, Charlie Adam og þá kom brasilíski markvörðurinn Alexander Doni til liðsins í dag.

Downing lék 79 leiki og skoraði 8 mörk á tveimur árum sínum hjá Villa og var hann meðal annars valinn besti leikmaður félagsins á síðustu leiktíð. Þá hefur hann leikið 27 leiki fyrir enska landsliðið.